رجاء الكل يفوت >>>>

موضوع: رجاء الكل يفوت >>>> 10/9/2008, 8:38 pm

مرحبا للجميع يسعد مساكم، ورمضان كريم

بصراحة حابب احكيلكم شغلة كتير مخجلة والمفروض ما ينحكي فيها ،

لانه احنا عاملين سن التسجيل من 12 سنة لما فوق، يعني كل اللي بالمنتدي ناس واعيين ، هيك المفروض

بس بصراحة اتضحلي انه في ناس كبيرة بالعمر بس، بس عقولها اصغر من هيك بكتير

ما تزعلو من كلامي، بس انا برضه زعلان علي اللي بسير.

قبل فترة وصلتني مشاكل وشكاوي كتيرة علي قصة الرسائل الخاصة، فلان ببعت لفلان،

ومرحبا وانا حابب اتعرف عليك/ي وبطلب ايميلك وابصر ايش، وشغلات كتير تافهة،،

قلت بدي اعطل خاصية الرسائل الخاصة لفترة، اكيد اللي عمل هيك حيفهم، وما حيعمل هيك تاني

عطلت الرسائل الخاصة لفترة، ورجعت شغلتها قبل فترة، للاسف اليوم برضه وصلتني شكوتين بلحظة وحدة

انه حدا باعت لحدا، انه بده يتعرف وطالب ايميل واشي هيك،

حابب احكيلكم وبصراحة، اللي فايت المنتدي ومسجل معنا، ليتعرف علي بنات او بنات تتعرف علي شباب،

بصراحة ما بلزمنا، يشوف اله منتدي تاني من الاخر،

لانه عشر اعضاء مناح ويلتزمو القوانين والاخلاق، عندي اياهم احسن من الف عضو بالمنتدي بس يكونو

جايين للتعارف،

باختصار وما بدي اطول عليكم...

انا رجعت عطلت خاصية الرسائل الخاصة، برضه لفترة، حارجع اشغلها تاني بعد فترة،

بس بدي احكيلكم انه المرة اللي بتصلني شكوي عنه، او اانا بشوف رسالته وبلاقي فيها اشي خارج نطاق

المنتدي وخارج نطاق الأدب، حاعمل نسخة من رسالته بموضوع بالمنتدي، وحأشهر فيه، مين ما كان

وما تزعلو من كلامي ، بس كلامي هيك لاني مستفز من هيك شغلة لانه كل اللي بالمنتدي واعيين،

ويا ريت الكل يفهم، واستحملوني معلش

ووقت سعيد انشالله بتقضوه بالمنتدي بدون مشاكل،

وتحياتي للجميع..

غ ــــريب

موضوع: رد: رجاء الكل يفوت >>>> 11/9/2008, 6:19 pm

مشكور كتير غريب الك ولاهتمامك بجميع اعضاء المنتدى

وزي ما حكيت احنا داخلين المنتدى عشان نستفيد ونفيد

مو عشان نتعرف على بعض سواء شباب تتعرف على بنات او بالعكس

يسملو مرة تانية على اهتمامك

عاشقةا لحب

موضوع: رد: رجاء الكل يفوت >>>> 13/9/2008, 5:17 pm

صح كلامك غريب اصلا في اعضاء بالمنتدى بفوتو شباب أو بنات بقعدو يحكو ممكن اتعرف واعطيني ايميلك شو اسمك وهشغلات التافهة جدا جدا فانت عملت مجهودك للإهتمام بأعضاء المنتدى يلي بيعملو هادي الأشياء التافهة ويلي مابعملوها بس عنجد شكرا لأهتمامك وكمان احنا مسجلين بامنتدى على شان نستفيد مو عشان نتعرف على بعض تتعرف على بنات او تتعرفي على شباب برضور عيبببببببببببببب كتيرانا بخجل كتير من هالشغلات ومش ممكن اعملها ابدا

موضوع: رد: رجاء الكل يفوت >>>> 14/9/2008, 8:33 am

غريب

مشكور على خوفك على المنتدى وأعضاءه

كل التحيه الك

موضوع: رد: رجاء الكل يفوت >>>> 15/9/2008, 11:15 am

تحياتي إلك كتير على هيك عمل

بجد إنك رائع وهادي شغلة مهمة
وفرحتني والله وبجد زي ما حكيت الكم بالبداية
إنكم ناس زوق وبتفهموا
ويعطيك ألف عافية وبارك الله فيك
ولو يطلع بيدي لرشحك رئيس وزراء
ههههه
يعطيك ألف عافية مرة تانية وتحياتي إلك

وتقبل مروري

0000الاميرة0000

موضوع: رد: رجاء الكل يفوت >>>> 5/10/2008, 5:21 pm

والله تحياتي لوالله تحياتي لالك

ومشكور على الاهتمام

واحنا ان شاء الله بنكون عند حسن ظنك

موضوع: رد: رجاء الكل يفوت >>>> 9/12/2008, 6:51 pm

مشكورعلى اهتمام

انشاء الله حيلتزموا