((مين قدك المايك بيدك))

موضوع: ((مين قدك المايك بيدك)) 17/10/2008, 3:35 pm

[ندعوك للتسجيل في المنتدى أو التعريف بنفسك لمعاينة هذه الصورة]
أطل عليكم من منبر التواصل من جديد..

كمــا احمل مــعي

ودي وتقدير ي لكم

للكل منا في هذا المنتدي العظيم

آفرحنا .. وآحزآنا .. همومنآ .. و مشآكلنا .... وآوجعآنا

آحبآبنا .. وآصحآبنا .. وآخوآنا ... وآصدقآنا

*·~-.¸¸,.-~* مــــــآيــــك المــنــتــدى *·~-.¸¸,.-~*

[ندعوك للتسجيل في المنتدى أو التعريف بنفسك لمعاينة هذه الصورة]

لكــــــل عضو/ة.. صوت .. لابد أن يـُـــــــــسمع ..

ونحــــن كأخوة .. هنا ..

من واجبنا .. أن نستمع لبعضنا ..!

* ومن هذا المنطلـــق *

برزت فكـرة " مايـــك المنتدى "..

لذا .. سيحــق ..
..يوم واحد لكل عضو ..

أن يتملك المايك .. ويفصح من خلاله .. عما يريد قوله ..!

قواعـــــــد المايك ..

1) للعضـــــــو/ة * صاحبة المايك* :

لك أن تقول ما يحلو لك .. ( مقال .. خاطرة .. قصيدة ..أهدآء ... تعرّف بذاتك ) ..

فشعارنا هنا ..

(( مين قدك المايك بيدك )) ..!!!

[ندعوك للتسجيل في المنتدى أو التعريف بنفسك لمعاينة هذه الصورة]

مــــــــــــــلاحظة ..

الأسئلـــــــــــــة .. ممنووعة منعا باتا ..

.. لأنها فكرة مستهلكة .. بالإضافة ..إلى أنها ترهق ..

العضو/ة نفسه/ا .. وذلك بوجوب الإجابه عليها ..

وربما سببت احراجاً أيضاً ..!

إلى ان نختار العضو/ة .. صاحب/ة مايك المنتدى ..

ليس هذا فقط بل علي الأعضاء والمشرفين

إبداء .. رأيك .. بالعضو/ة نفسه/ا .. !

" شو مكانة هالعضو/ة .. بالنسبة للمنتدى .. ولك .. وإذا بخاطرك اشي

عليه أذكره .. وإذا بقلبك اشي له ..كمان أذكره " وهكذا

أو بإبداء رأيك بما طرحه .. عبـــر المايك نفسه ..!

ولكن في بداية هذه اللعبة يحق لنا أن نسمع كلمة كبار المنتدى ونحن سنرشج اربعة ايام لاربعة لاعبين وهم:
المدير العام:
لاجىء

مدير المنتدى:
غريب

نائب المدير:
نايت

المشرفة العامة:
دلوعة

لإبداء أرائكم .....

واول عضو بدنا نستضيفه على راس الهرم

المدير العام:::

لاجــــىء

بعد ماتنتهي اعطي المايك للي بعدك

وبعد انتهاء الاربعة ايام هذه تقوم دلوعة بترشيح أي عضو بعدها ليمسك المايك
ويلقي كلمته"" بحكم انا اخر الاربعة""

وتحياتي لكم:

QUEEN

موضوع: رد: ((مين قدك المايك بيدك)) 18/10/2008, 7:45 am

هلا بيكي كوين وبالفكرة الحلوة هاي
ونورتي منتدى الالعاب والتسالي
وانا رح اقوم بارسال رسالة خاصة لكل عضو بيكون مرشح ليكون المايك في ايدو حتى يتفضل
ويلقى الكلمة اللي عيزها

تحياتي لجهودك و
وتقبلي مروري

الاميرة

موضوع: رد: ((مين قدك المايك بيدك)) 18/10/2008, 12:52 pm

مساء الخير للجميع
موضوع رائع وفكرة جميلة مشكورين عليها كتير وبتمنالكم التوفيق

وبما أنو المايك بيدى صراحة مش عارف شو اقول يعنى هيك مربوك لانو اول ظهور الى على المسرح ههههه

طيب شو بدى احكى صلو على النبى
مره من دات المرات انتو ما صدقتو رخيتو دنيكم
طيب بما انى مش عارف شو احكى راح احكى نبدة عنى بصراحة واروح بسرعة :

- الاسم :لاجىء/عبد الرحيم .....
- العمر :22 سنه
- خريج كلية الفنون الجميلة
- الهوايات: الفن والكتابة والانترنت واهم شى التدخين وحجات مو داكرها
- العمل : بلاش منو لانى عاطل عن العمل
::
:
راح احكى بصراحة أنى سعيد جدا بالمنتدى الى خلانى اتعرف على ناس طيبين وحبوبين مثلكم
واشكر كل من ساهم ولو بشىء قليل فى رسم الابتسامه على شفاه أعضاء هدا المنتدى

وفى النهاية اتمنى من كل قلبى لكل عضو التوفيق والسعادة
والنجاح فى حياته وان يصل الى ما يطمح ويجد الخير أينما ذهب

وتقبلو تحياتى وفائق احترامى وتقديرى للجميع

موضوع: رد: ((مين قدك المايك بيدك)) 18/10/2008, 1:08 pm

مشكوركتير يامديرنا العام:

لاجىء

طيب انا بدوري بعطي المايك لمدير المنتدى

غريب

المايك بايدك

تفضل....

موضوع: رد: ((مين قدك المايك بيدك)) 19/10/2008, 5:39 pm

[ندعوك للتسجيل في المنتدى أو التعريف بنفسك لمعاينة هذه الصورة]

أشكرك كوين علي هذا الموضوع المميز

واشكرك اميرة علي اشرافك علي هذا الموضوع ومتابعته

***

وبما انه المايك بايدي، ومش كل يوم الواحد بصحله يمسك مايك يحكي

اول اشي اعرف عن نفسي الكم/

..عبد المجيد..
من البريج
خريج تجارة من كلية غزة
بشتغل مؤقتا بالوكالة
الهوايات/ الرسم، الانترنت،وقراءة روايات وكتب اشعار، وسماع موسيقي.

تاني اشي/
حابب اشكر كل اعضاء المنتدي من مشرفين واداريين واعضاء

وبتمني انهم يقضو وقت حلو معنا بالمنتدي ويعتبروه بيتهم التاني

وخلص باعطي المايك للي بعدي، انشالله المرة الجاي بكون مزاجي رايق اكتر وباحكي اكتر

تحياتي لالكم جميعا

غ ـــريب

موضوع: رد: ((مين قدك المايك بيدك)) 19/10/2008, 9:15 pm

[ندعوك للتسجيل في المنتدى أو التعريف بنفسك لمعاينة هذه الصورة]

مشكور كتير
غريب
على المعلومات القيمة هاي ويارب يكون مزاجك صار احسن ويضله رايق على طول
تحياتي الك
وانا بدوري بعطي المايك

[ندعوك للتسجيل في المنتدى أو التعريف بنفسك لمعاينة هذه الصورة]

لنائب المدير

نايت

موضوع: رد: ((مين قدك المايك بيدك)) 20/10/2008, 8:05 pm

السلام عليكم ورحمة الله وبركاته،،،
بسم الله الرحمن الرحيم

[ندعوك للتسجيل في المنتدى أو التعريف بنفسك لمعاينة هذه الصورة]
بصراحة كان عندي كلام كتير بس بمجرد ما بدأت اكتب
كل الكلام تبخر
لما تكون كل الأضواء مسلطة على شخص معين وتنتظر ما سيفعل بجد شغلة صعبة على اللي بدو يتكلم..............

في البداية بأشكر صاحبة الموضوع على الطرح الرائع
وبشكر الأميرة على أدائها المميز
كمان ما بنسى لاجئ
وما تزعل يا غريب الك احلى شكر على مجهوداتك الجبارة

حابب امشي نفس اصدقائي واعرف عن نفسي
بلال
من البريج
خريج تجارة وإدارة مكاتب من كلية تدريب غزة.
بدرس حالياً بجامعة القدس المفتوحة/// إدارة أعمال
العمل: موظف في مؤسسة خاصة
بالنسبة للهوايات: اكثر شغلة بحبها الكمبيوتر ،وبالأخص التصميم، إلى جانب الشعر
والقراءة في التاريخ

واذا حبيت احكي شي
فبحب انه اوجه نصيحة لاخواني واخواتي في المنتدى واوجها لنفسي قبلهم....
نتعامل مع المنتدى بمبدأ العطاء والمسامحة والأخوة
نحاول كل يوم نكتسب شي جديد... نستفيد من وقتنا
ما يكون تواجدنا في المنتدى بس بهدف التسلية، يكون إلى جانب التسلية انك حابب تتعلم شي جديد تستفيد من معلومة جديدة تكتسب مهارة جديد
نكتسب معارف جديدة

والله شغلة المايك اصعب مما كنت متوقعها
ههههههههههههههههههههههههه
طولت عليكم
خالص شكري واحترامي للمرة الثانية لصاحبة الموضوع
ولكل من ساعدها ولكل من ساهم في هذا الموضوع

أخوكم
بلال

موضوع: رد: ((مين قدك المايك بيدك)) 21/10/2008, 5:52 pm

[ندعوك للتسجيل في المنتدى أو التعريف بنفسك لمعاينة هذه الصورة]
بشكرك كتير يا
نايت
على تواجدك بموضوعي وتلبيتك لدعوتي
وبشكرك على المعلومات اللي فديتنا فيها
تحياتي الك
واكيد انا بدوري بنقل المايك
للمشرفة العامة
دلوعة
[/[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: ((مين قدك المايك بيدك)) 21/10/2008, 6:16 pm

يلا سمعونى ترحيب ياجماعه

أنا المشرفه العامه دلوعه

يعنى شو بدى احكى على قولة لاجيء أول مره أضهر على المسرح هيك

بس يعنى انا ماهعرفكو بحالى كتير لئامه عاد شو هنعمل

بتشكرك ياغاليه كوين على الموضوع حلو متلك

وبدى أنقل المايك ل أميره علشانها مشرفة القسم هاد

يلا خدى راحتك يا أميره

تحياتى

موضوع: رد: ((مين قدك المايك بيدك)) 22/10/2008, 2:09 pm

احم احم احم
بسم الله بسم الله
"معلش بجرب بالمايك"
طبعا قبل ما اتكلم عن نفسي بدي أوجه جزيل الشكر ل:
queen على اللعبة الرائعة وما بنسى اقدم الشكر لمرور المدير العام:
لاجىء ومدير المنتدى غريب والنائب نايت والمشرفة العامة دلوعة
وطبعا بشكر حالي على اشرافي....
المهم: انا أختكم في الله العبدة الفقيرة لله "هو احنا هنشحد ياجدعان""
أكيد انا زي ما كلكو بتعرفوني الاميرة..
من البريج طالبة في جا معة الاقصى وبدرس تعليم اللغة الانجليزية
هواياتي القص والنم في الخلق والعباد والتعليق على الناس "بعرفش اقعد من غير هاي الصفات"
والبرم الكتير لاني ازا سكتت تمي بيجعني فلازم احكي طول النهار"
هههههه
ياجماعة بدكم تعريف اكتر من هيك...
بحب اوجه كلمة للجميع:
أولها : انه هدا المنتدى يعتبر بيتنا التاني فلازم نحافظ عليه
تانيا: احنا اخوة فلازم ما نحترم بعض قصدي نحترم بعض ونكون متعاونين
على شيء واحد هو تطوير المنتدى والعلو من شأنه.
ثالثا :ما حدا يزعل من حدا ويضل ساكت اللي بيزعل من شغلة لازم يسجلها في منتدى الشكاوي
يعني بلاش نزعل من بعض احنا اصحاب قصدي اخوات
وفي النهاية بحب أوجه الشكر لكل من في المنتدى من ادارة ومشرفين واعضاء.
وبشكر كوين مرة تانية وبقولها يعطيكي ألف عافية.
وبصفتك انتي صاحبة اللعبة.....
شرفي وتفضلي المايك...

اختكم في الله العبدة الفقيرة لله "معلش هيك تعلمنا"

الاميرة

موضوع: رد: ((مين قدك المايك بيدك)) 22/10/2008, 11:13 pm

[ندعوك للتسجيل في المنتدى أو التعريف بنفسك لمعاينة هذه الصورة]
بشكرك جدا يا
اميرة على تشريفك للعبتي واستلام المايك
وانا كمان بشكركم الجميع على تشريفهم للموضوعي
وانا بدوري بنقل المايك للعضو المميز
المشاغب

موضوع: رد: ((مين قدك المايك بيدك)) 25/10/2008, 10:45 pm

:lol!: :lol!: :lol!: :lol!: :lol!: :lol!: :lol!: :lol!: :afro: :afro: :afro: :afro: :afro: :afro: :geek: :geek: :geek: :geek: :santa: :santa: :santa: :cherry: :cherry: :cherry: :albino: :albino: :albino: :albino: :albino: :sunny: :sunny: :sunny: :sunny: :cat: :monkey: :alien: :cat: :cat: :cat: :cat: :cat: :cat: :cat: :cheers: :cheers: :cheers: :cheers: :cheers: :cheers: :bball: :bball: :bball: :santa: :santa: :cherry: :cherry: :cherry: :queen: :queen: :flower: :flower: :flower:

موضوع: رد: ((مين قدك المايك بيدك)) 29/10/2008, 6:53 am

هلا والله يا مشاغب
شو فاتح هنا مزرعة ولا شو
بس والله مشاركة مميزة منك
على كل حال منورنا
وياريت ياكوين تشرفي حضرتك
وتمسكي المايك وتعرفينا على حالك

الاميرة

موضوع: رد: ((مين قدك المايك بيدك)) 30/10/2008, 11:31 pm

لا والله يا أميرة عرفت عن حالي وزي الناس، وكتب عن حالي وهوايتي وكل شي تقريباً،
بس ما لقيت حد رد علي، وما حدا عبرني وصحبيت اللعبة يوم ما كنت منزل المشاركة كانت نازلة في المنتدى ومنزلة ردود، ومش رادة هاااان، قلت طيب ماشي
وعلى السريع رحت وعدلت المشاركة ومحيت إلي فيها وحطيت أي شي مكانها،،،
وسامحوني....

المشاغب،،،
وإسألي كوين يمكن حتى تكون قرت مشاركتي...؟؟؟

تحياتي المشاغب،،،

موضوع: رد: ((مين قدك المايك بيدك)) 31/10/2008, 10:04 am

المشاغب
انا قرأت مشاركتك وأتفاجأت انك غيرتها بس ان
ما حدا عبرك هدا كلام مش مزبوط لو احنا ما بنعبرك
كان ما طلبناك في اللعبة وبعتنا لك حتى تشرفنا ولا انا غلطانة
وبعدين تأخر كوين في الرد هي ما شافت مشاركتك غير لما انا قلت لها
ولما إجت ترد تفاجئت بتغيرك للمشاركة عشان هيك تأخرت في الرد
وبعدين لا تنسى انك انت كمان اتأخرت في ردك وتلبيتك للدعوة
وا حدا عتب عليك قلنا يمكن مشغول وتركناك براحتك صح ولا لأ
المهم انسى كل هدا واحنا بنهتم في كل من بيشرفنا وبنقدره
وياريت ترجع تاني بمشاركتك ورح نرد عليك بس لا تزعل
وكوين إلا ما تتعتذر لك وتقبل اعتذارنا وياريت رجع تاني بالمشاركة
تحياتي

الأميرة

موضوع: رد: ((مين قدك المايك بيدك)) 31/10/2008, 9:28 pm

اوف اوف
كل هدا صاير
لا يامشاغب
انا ماقصدت اطنشك او شي
بس يمكن ما انتبهت وماشفت المشاركة
بس انا احيانا كتير بكون فاتحة المنتدى وانا مش على الجهاز لاني صرت اشي بديهي اول ما افتح الجهاز افتح المنتدى
على العموم مشكور على مشاركتك
وانا بعتذر
ويسلمو

موضوع: رد: ((مين قدك المايك بيدك)) 4/11/2008, 12:35 am

ولو يا كوين من غير ما تعتذري، كل واحد وعذره معه،
يلا بسيطة تحصل في أحسن العائلات،
على كل المايك في إيدك هالوقت وإحكي إلي بدك إياه
وبعدين لما يجي دوري إنشاء الله راح أشارك

وما تزعلوا مني لأني طيرت المشاركة
هههه

المشاغب

موضوع: رد: ((مين قدك المايك بيدك)) 6/11/2008, 7:44 pm

بما انه المايك بايدي فاسمحولي احكي
اختكم في الله كوين
العمر 20 سنة
سنة تالتة تعليم رياضيات
جامعة الاقصى
هواياتي مشاهدة الافلام الهندية
والنت والمزيكا
طبعا فش ولاحاجة منهم مفيدة بس هيك هواياتي ايش اعمل
امنياتي اللي بتمنى انها تتحقق
انه ربنا يديم السعادة على اهلي وعليه
ويعم الخير والسعادة على هالبلد المنكوب وربنا يحرر غزة
ويخليلي صحباتي يارب
وكمان امنية انه هالمنتدى يكبر ويعلى وينشط كتير ونقدر نرفع من شأنه
يسلمو ياجماعة كتير
وبرجع المايك للمشاغب لاني حابة اشوف مشاركته وارد عليها
ومن بعد هيك هو يعطي المايك للعضو اللي بيختارو
دمتم ودام المنتدى
كــــــــــــــــــــــــــــــ ين ـــــــــــــــــــــــــــو

موضوع: رد: ((مين قدك المايك بيدك)) 10/11/2008, 2:16 pm

طيب ياجماعة بما انه المشاغب طول علينا
وما استلم المايك
انا بعتذر منه
وبعطي المايك
للعضو المميز
Alone girl:soso:
يلا حبيبتي هي المايك بايدك
[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: ((مين قدك المايك بيدك)) 20/11/2008, 2:02 am

مممممممممم
أولا بسم الله الرحمن الرحيم
طيب وبعدين
ممممممممم
انا ...انا ..يا ماما ..شوفوا بيدى مايك وبرجف من الخوف
اس اس
اسمى توتو
ولا لا
اسمى alone girl
عمرى
من زمان الي بهالدنيا احسبوها لحالكم
بحب
لا عيب
بحبش
خلص عاد
أنا توتو عمرى 21 سنه لسه الشهر الجاى بصير بدرس بجامعه الاقصى
بحبكم كلكم أكيد
الصداقه بتعنيلى كتير ومعكم لقيت احلى اصدقاء بهالدنيا
بحب الاغانى الاجنبية كتير من العربي بسمع ايام زمان
أمنينتى
نبقى نضحك على طول
توتو

موضوع: رد: ((مين قدك المايك بيدك)) 20/11/2008, 5:17 pm

اها
والله اتشرفنا يا أنسة توتو
ويارب تضلي تضحكي على طول ويضل مفتوح تمك ومايتسكر
تحياتي الك حبيبتي
نورتينا بالصفحة

وانا بدوري بنقل المايك
للعضوة سلمى
سلمى ياريت تنورينا وتمسكي المايك
تحياتي للجميع

:soso:QUeeN

موضوع: رد: ((مين قدك المايك بيدك)) 20/11/2008, 5:58 pm

وانا بدوري بنقل المايك لقسم الصيانة لانه فيه شوية تشويش

ههههه

لا خدو راحتكو بس بتغالس

موضوع: رد: ((مين قدك المايك بيدك)) 21/11/2008, 8:02 pm

اذا نظام غلاسة
فياسيدي بنتحملك
نورت الصفحة غريب
تحياتي لمرورك
كويـــــــــــــــن

موضوع: رد: ((مين قدك المايك بيدك)) 30/11/2008, 6:41 am

انا بايدي المايك احم احم انا حابة اكتبلكم قصيدة بعنوان لا تتألمي أمي أرجوك

أمسكت القلم لأكتب كلماتي...
فرجفت يدي وتناثرت حروفي...

فأي كلماتٍ تصف عظمتها....
وهل للحروف أن توفيها شيئاً من حقها؟؟

ولكن حقٌ عليَّ أن أكتب بعضاً من الكلمات...
وأزينها بأصدق وأخلص الدعوات...

أماه.... اسمحي لي أن أكتب إليكِ ...
أكتب لأتوسل إليكِ وأرجوكِ....
لا تتألمي أمي .... أرجوكِ ...
فكل آهٍ تخرج منك تحرق صدري...
ألمكِ يا أمي يخنق أنفاسي...
آهاتك تمزقني يا أمي...
آلامكِ تجعلني حائرةً" ماذا أفعل؟ لا أدري"

فلا تتألمي أمي ... أرجوكِ

كلهم هنا حولي يسألونني عنكِ
يسألون كيف أنتِ
وهل بخيرٍ أصبحتِ
أطمئنهم جميعاً
أما أنا .... أنا يا أمي ....
من يطفئ بركاناً من القلق يتفجر في داخلي ...
من يطفئ لهيباً من الخوف عليكِ
من يهدئ من روعي؟؟
أنت الوحيدة يا أمي من تستطيعين ذلك ...

فلا تتألمي أمي ... أرجوكِ

إن كان الألم في عينكِ ...
أقدم لكِ عيناي لكي تشفي ....
وإن كان الألم في قدماكِ ...
أهب لكِ كل أطرافي لخدمتكِ ....

فلا تتألمي أمي ... أرجوكِ

لم أكن أعلم بأنك غاليةٌ إلى هذا الحد يا أمي....
فكلنا يا أمي نحتاجك....
أختي الصغيرة تودُّ أن تبكي في أحضانك...
وأخي الصغير يبحث عنكِ وينادي " ماما ،، ماما ... أين أنتِ "

أما أنا .... فقد أيقنتُ بأنني أضيع من دونك...
بل أيقنت بأني من دونك لا شيء
أجل يا أمي ... لا شيء

ووالدي يا مهجة قلبي ....
لقد قرأت الألم في عينيه..
ودّ لو يفديك بأي شيء كي لا تتألمي...

فلا تتألمي أمي ... أرجوكِ

ها نحن نتضرع إلى الله مبتهلين...
فوحده يجيب دعوة المضطرين...
ندعوه بأن يبرئك من الأمراض والهموم...
ندعوه بأن يديم عليك الخير والصحة...
ندعوه لتبقي في حياتنا وردةً متفتحةً لا تذبل ...
ولتبقي أنتِ الشمعة التي تنير دروبنا ولا تحترق ...

ندعو الله بأن يطيل عمركِ أمي وتبقي تاجاً على رؤوسنا
فلا تتألمي أمي ... نرجوكِ
نرجوكِ أمي ... لا تتألمي

وختاماً ،،،
أطلب رضاكِ يا أمي...
وأقدم لك قبلاتي ... مزينة بأحر أشواقي....
ولكِ احترامي وتقديري ...

وأطلب منك أن لا تتألمي

موضوع: رد: ((مين قدك المايك بيدك)) 30/11/2008, 11:02 am

شو هالكلمات الرائعة

سلمى تحياتي لقلبك