قصيده لبنت يوم زواج حبيبها

موضوع: قصيده لبنت يوم زواج حبيبها 27/10/2008, 6:41 am

مرحبا أحبابي

طبعا هذي قصيدة لوحدة الظاهر اسمها شيماء بعد ماتزوج عليها حبيبها

لكن القصيدة حلوة وعجبتني وحبيت تقرونها

بتركم مع القصيدة

جاني الخبر يا صاحبي وأظلم الكون = قدام عيني ثم نطقت الشهاده

على العموم أقولها ألفين مليون = مبروك من قلب شكالك ابعاده

مبروك ولا يهمك سواليف وظنون = من عاشق يهديك فرحة فؤاده

سو الفرح اليوم واٍبليس ملعون = واٍللي يشب النار يجني رماده

أنا أول العالم على الصاله يلفون = وأول معازيم الفرح والحداده

أبشر أبرقص على العرس بالهون = وكلن يعبر فرحته بجتهاده

لو البلا برقصي يقولون مزيون = المشكله بلقبن راح يفضح وداده

يوم العذارى في دخولك يغنون = وعروستك بأحلى ثواني السعاده

كنت أتمنى بدالها والله أكون = وأحط أنا كفي تحت راسك وساده

وشلون أبكتم صرختي يوم تمشون = تكفى خذني للعروسه قلاده

حتى معازيم الفرح قاموا يمشون = وأصبحت أنا وحدي بدون استفاده

وطفوا علي النور من غير يدرون = قصر الفرح يا قبر ( شيماء) ومهاده

وصيتي لو جاك بنت وأنا عليك أمون = تكفي سمها ( شيماء) قبل الولاده
__________________
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

هذا جزاي اني
حبيتك من قلبي

الرومانسية roro