احلي قصائد نمر بن عدوان ...البارحة

احدى قصائد الشاعر/ نمر بن عدوان

تقبلو خالص محبتي..

البارحـه يـوم الخـلايـق نيـامـا

بيّحت من كثر البكى كـل مكنـون

قمت أتوجّد وأنثـر المـا علـى مـا

من فوق عيني دمعهـا كـان مخـزون

ولي ونـة ٍ مـن سمعَهـا مـا ينامـا

كني صويب ٍ بين الأضـلاع مطعـون

و إلا كمـا ونـة كسيـر السْلامـا

خلّـوه ربعـه للمعاديـن مـديـون

فـي ساعـة ٍ قـل الرجـا والمحامـا

فيما يطالـع يومهـم عنـه يقفـون

و إلا فـونـة راعـبـيّ الحمـامـا

غاد ٍ ذكرهـا والقوانيـص يرمـون

تسمـع لهـا بيـن الجرايـد حطامـا

من نوحها تـدع ِ المواليـف يبكـون

و إلا خلـوج ٍ سـابـة ٍ للهيـامـا

على حوار ٍ ضايع ٍ في ضحى الكـون

و إلا حـوار ٍ مشْيِقـوا لـه شمامـا

وهي تطالـع يـوم جـرّوه بعيـون

يـردون مثلـه والضوامـي صيامـا

ترزّمـوا معهـا وقامـوا يحـنّـون

و إلا رضيـع ٍ جرّعـوه الفطـامـا

أمه غـدت قبـل أربعينـه يتمّـون

عليك ياللي شربـت كـاس المحامـا

صرف ٍ بتقديـر ٍ مـن الله مـاذون

جاه القضا من بعـد شهـر الصيامـا

صافي الجبيـن بثانـي العيـد مدفـون

كسوه من عرض الخرق ثـوب خامـا

و قاموا عليه مـن الترايـب يهلّـون

راحوا بهـا حـروة صـلاة اليِمامـا

عند الدفن قامـوا لهـا الله يدعـون

برضـاه والجنـه وحسـن الختـامـا

ودموع عيني فـوق خـدي يهلّـون

حطّـوه فـي قبـر ٍ عسـاه الهيامـا

في مهمة ٍ من عد الأموات مسكـون

يا حفـرة ٍ يسقـي ثـراك الغمامـا

مزن ٍ مـن الرحمـه عليهـا يصبّـون

جعل البخَتـري والنفـل والخزامـى

ينبت على قبـر ٍ هـو فيـه مدفـون

مرحوم ياللـي مـا مشـى بالملامـا

جيران بيته راح مـا منـه يشكـون

وا وسع عذري وان هجـرت المنامـا

ورافقت من عقب العقل كل مجنـون

أخـذت انـا ويّـاه سبعـة عوامـا

مع مثلهن في كيفـة ٍ مـا لهـا لـون

والله كنها يا عـرب صـرف عامـا

يا عونة الله صرف الأيـام وشلـون؟

و أكبر همومـي مـن بـزور ٍ يتامـا

و إن شفتهم قدام وجهـي يبكّـون

و ان قلت لا تبكون قالـوا علامـا؟

نبكي ويبكـي مثلنـا كـل محـزون

قلت السبب تبكـون؟ قالـوا يتامـا

قلت اليتيم أيـاي وانتـم تسجّـون

مع البـزور وكـل جـرح ٍ يلامـا

إلا جـروح بخاطـري مـا يطيبـون

جرحي عميق ٍ مثل كسـر السلامـا

الى مكَن.. عنـه الأطبّـا يعجـزون

قمت اتشكّـى عنـد ربـع ٍ عذامـا

جوني علـى فرقـا خليلـي يعـزّون

قالـوا تجـوّز وانـس لامـه بلامـا

بعض العذارى عن بعضهـن يسلّـون

قلـت انهـا لـي وفّقـت بالولامـا

ولو جمعتـوا نصفهـن مـا يسـدّون

مـا ظنّتـي تلقـون مثلـه حرامـا

أيضا ولا فيهن علـى السـر مامـون

و أخاف انا مـن غاديـات الذمامـا

اللي على ضيم الدهـر مـا يتاقـون

أو خبلـة ٍ مـا عقلهـا بالتمـامـا

تضحك وهي تلدغ على الكبد بالهون

تـوذي عيالـي بالنهـر والكـلامـا

و أنا تجرّعنـي مـن المـر بصحـون

والله يـا لـولا هالصغـار اليتـامـا

و أخشى من السكّه عليهم يضيعـون

لا أقول كل البيـض عقبـه حرامـا

و أصبر كما يصبر على الحبس مسجون

عليـه منـي كـل يـوم ٍ سـلامـا

عدّت حجيج البيت واللي يطوفـون

وصل علـى سيّـد جميـع الأنامـا

على النبي ياللي حضرتـوا تصلـون

..عهد العدوان...

يسلم اياديك غلبت حاللك انا بحبها هلقصيده وبحبها بصوت راشد الماجد

تحياتى وتقديرى

الدلوعـــه

شاكر مرومك دلـوعـــــــة...

واعدكي بمزيد من المعلومات...

..عهد العدوان...