(( طلع إشاعة عن العضو اللي قبلك ))

.::. السلام عليكم .::.

:

.. ما بدها شرح كل واحد يطلع اشاعه عن العضوو اللي قبله

.. .. .. ..يعني العضو الي حيرد بعدي بيطلع اشاعة عني انا

مستنيكم، وما بدنا زعل،

;) :) ;)

زائر

يا جماعه

والله

اني بعرف عن الغريب شغلات

والله مش اشاعه

واتحدى الغريب ينكرها

يا جماعه

الغريب بنام حافي

خخخخخخ

هدا مقلب

نداء

بس نداء مبارح ما كانت في الليل في الدردشة لانها أكلت كتلة من ابوها يا حرام،

هي اللي حكتلي :)

طيب يا غريب

مشكلة غريب الوحيدة أقول ولا بلاش

طيب بعين الله بس علشان خاطر الأعضاء الحلوين

غريب فاتح كوافير جديد وعامل تخفيض للصبايا والستات بنسبة 70%

وأنا بنصح كل الأعضاء يروحو عنده وأوعوا ينكر ويقول ما عنده

ملاحظة: الخصم ساري المفعول لمدة أسبوع من تاريخه

تقبل مروري غريب

زائر

بسم الله الرحمن الرحيم

تحيه طيبه الي اعضاء هذا المنتدى..وبعد

اتقدم انا نداء(مختاره هذا المنتدى)

باحر التعازي والمواساه لعائله ولاعضاء المنتدى

لفقدانهم نائب المدير العام الثاني

(نايت)

انا لله وانا اليه راجعون

نداء :( :(

بسم الله الرحمن الرحيم

تهنئــة بالـزواج

تتقدم الهيئة الإدارية بمنتديات مايا بأطيب التهاني والتبريكات إلى الأخت الفاضلة:

نداء مختارة المنتدى بمناسبة زفافها

سائلين الله عز وجل أن يبارك لها في حياتها الزوجية، وأن يوفقها ويسدد خطاها

بارك الله لكما، وبارك عليكما، وجمع بينكما على خير

إدارة المنتدى

زائر

هدا انشاالله ،،امه وابوه،،والله والملائكه والامه الاسلاميه والعربيه والشرقيه

والغربيه وكل آل عيلته وفصيلته وقبيلته

وشعره وراسه وايديه ورجليه

وجربينه،،واهم اشي جربينه

غضبانين عليه

______

طيب ما علينا

**********

هدا يا جماعه النايت

بكره وانشالله

بكره عازمكم على غدا مزبط ،، خروف محشي ..

وبقلكم تفضلوا

يلا سلام

ما تنسوا بكره ها

نداء

الله يسامحك يا غريب على هالورطة :x

أه ولو مرحبابكم جميعا احنا قدها :affraid:

------------------------------------------------------

بس شو اليوم سمعتلكم خبرين غير شكل والله ما انا عارف شو هالمصايب هاي

أولا: الشرطة مسكت نداء بتعاكس بالشباب عند الجامعة وهي الآن محجوزة وبدها حد يكفلها

بالنسبة إلي ما بكفل حد

ثانياً والأهم: سمعت أنه المنتدى بدو يسكر :( :affraid:

زائر

اه هده معاك حق فيها

انا هيني طلعت ،، وابويا كفلني ،، وروحني وضربني ،،

عشان بعاكس الشباب

والله مصيبه

_____

يا جماعه النايت طلع اسمه في وظيفه محترمه جدا

مرافق لهنيه يا بختك

نيالك حتفوت الاسلام

نداء

شو هالاشاعات
بكرة بنصدق بعدين
أنا راح اقولكم هالخبر:study:
يا حرام يا نداء بس انتى العضو الى قبلى:lol!:
مرة كنا ماشين مع بعض والا واحد عالبركة بقولها
وين يا حلو:lol:
البنت عطفت عليه ما خافت
قرب
قرب
قرب كمان
شدها من شيلتها :pirat:
وضربها بالشارع:(
من يومها ونداء بتفكر فيه:heart: :heart: :heart:

ضرب الحبيب زي اكل الزبيب:cry: :cry:

نداء فبل ما تردى............فكري

فكرتى..طيب فكري تانى

تـوتـو

ههههههههههههههه

بتحبي واحد على البركة ماشي الحال

يعني سامحيني ألون على السر اللي بدي أحكيه بس مضطر

مرة alone girl حكتلي عن بعض مغامراتها وكان الحديث خاص

فبتقلي إنه كيف تعلمت الدخان وصارت بعدها تشتري بالعبلة (هاد قبل ما يغلى الدخان)

المصيبة هي هالوقت بتنفل من عند باب جامعة الأقصى كل يوم الصبح :scratch:

والمشكلة إنها بتتشارك هي والبنات في حق السجاير وبخمسوا لبعض

ألوووووون فكري كويس وتعمقي في الإجابة

خالص التحية

موضوع: خصوصي 4/11/2007, 5:04 pm

مساء الخير :
بدى احكيلكم شئ
انا ما بحكى لحد شئ خاص
بدى احكى لنايت:study:
خصوصي هو...
مرة بنت حكتلى بتعرفي شخص بمنتديات مايا لقبه نايت
قولتلها اه
قالتلى...هذا الشب وسخ ومعفن
بيروح عالجامعة مبهدل والشباب بتضحك عليه
هه:lol: :lol:
لو شفتى بنطلونه
هههههههههه
في 100 رقعة:cheers: :cheers:

عاد انا قلتلها خلص عاد عيب هذا زميلى بالمنتدى
دافعت عنه شوى
رحت سألت عن البنت
طلعت حبيبته سابقا وهو سايبها
بتعرفوا ليش
تقاتلت هية وهو
على عدد الرقع بالبنطلون؟؟:?: :!: :cry:

[size=24]

توتو

ضلك طول الليل فكر اضغط على ......أعصابك لا تنفجر[/

size]

زائر

توتو ياااا جماعه

الها اربع تيام بتنامش

لانه اختها شافتها وهيا في الغرفه بتشرب سجاير

وخايفه لاختها تقول للماما والبابا

ليش يا توتو

؟؟؟؟

؟؟؟؟؟؟؟

؟؟؟؟؟؟؟؟؟؟؟؟؟

شو استفدتي؟؟

يخص

يلا سلام

ما تحكولها بالله

نداء

نداء خلص عاد صرنا وحدة بوحدة

بصراحا مش حابة أكذب وأخذ سيئات

علشان هيك راح أقولكم شئ حقيقي

عمركم شفتوا وحدة حاملة الجوال 3 سنين وعمرها ما ركبت كرت

مبارح قبل ايام

نداء مسكت الجوال فتحته بها تحط الكرت فيه

بتفكر الكرت بينحط بالجوال

ضلت تعاقب فيه لما خربت الكرت وخسرت20 شيقل

يعنى طالعة لا......

يختى زى العسل

لقينا النا ضحكة عليها

نداء فكرى ...فكرتى ......فكرى تانى

توتو

نداء الشكاوي كترت عليكي ، وحضري حالك تجي ع الموقع للتحقيق

غريب

مدير الامن والسلامة

زائر

والله يا غريب

___

شفته الغريب انضرب ضرب

من التنفيذية

دبحوا

ياااا حرام

بس كيف الكتله

كل هدا عشان وهو في النهرجان صار يسرق من البنات شنطهم

ويشرد

خخخخخ

يلا

بدون حلفان

هاد يوم الاربع قلت مدام الخميس اجازة بدى احكى للحن تيجى لالي ع الكلية عنا

وهية يعنى عند ما حكتلها وافقت "بحبها كتير لحن "

المهم اجت وهي مبسوطة واول ما دخلت باب الكلية مالقت الا بوجها زكريا العصار

البنت تلبكت وخافت كتير كتير وقعدت تعيط تعيط انا والله ماناعارفة ليش

وهو بيحكيلها يابنتى خلص مالك مالك وهية مش راضية تحكى

انا سمعت صراخها اجيت وقلت لزكريا خلص انت روح وانا بشوف

واتارينها البنت خجلانة تحكى "اصل الجزمة كانت ضيقة عليها "

هههههههههه بس ما تحكوا لحد ولو عرفت لحن رح تزعل وانا بخاف عليها من الزعل

:lol!: :lol!: :lol!:

ههههههههههههههههههههههههههههههههههههههههههههههه

لك يقطع شرك يا دموع

شو هالاشاعة اللى بتفرط من الضحك

طيب اوريكي اشاعتى عنك

هادا يا جماعة

انا بيوم من الايام اجيت ازور بيتها لدموع

وجايبة معي خطابين

المهم

دخلوا الضيوف

رحت ناديت عليها يلا جهزي حالك

استنيت وانا والضيوف 5 دقايق

10 دقائق

نص ساعة

لهي بعد ساعة الضيوف بدهم يروحوا لولا انا بصبر فيهم

المهم اول ما اجت البنت

الناس بحلقوا فيها

ما شاء الله قمرررر

طيب جايبة العصير قدمت على اول ضيفة تمام

تانى ضيفة تمام

الا التالتة ما لقت الا كاسة العصير بتمطر عليها

لك يقطم شرك يا دموع أحرجتيني واحرجتى الجماعة

الضيوف عصبوا واللى انكب عليها العصير عصبت

لانها طقمها جديد^^

وشكل العصير ما بيروح^^

قامت الست وقتلى يلا يا لحن اذا هيك من اولها كيف لو صارت القصة بحق وحقيقي

ومن يومها حرت ابعتلها حد بلاش المرة الجاية يصير فيها قتل ودم الحكاية

وانا مو ناقصة ^^

هههههههههههه

يلا عيشي يا دموع الامل

مرحبا يا جماعه

حبيت اشاركم اللعبه 8)

بدي احكيلكم هالشي

اعرفتوا قبل شوي :shock:

انو لحن عندها 6 اصابع في كل ايد ورجل..!!!

يعني الواحد منا عنده 20

ولحن عندها24 اصبع

ديروا بالكم من اصابعكم لما اتسلم عليكم

اقبلوا تحيتي

الزعيــــــــــــم :P

ماشي يالحن برضوا فضحتى الدنيا

بسيطة بوريكى ، طيب اذا هيك مش ذاكرة يا هانم عند ما اجيتى علينا

وقدمت لالها عصير ومكسرات واكلت وكل شي الاهية اجت بدها تروح

ما شفت الا ناس جايين عنا ،الحين قعدت علشان خاطرهم مع انها ما بتعرفهم

قدمت الهم العصير لسه ما مدوا ايدهم الاهية شربت حصة تنتين وبدها تاخد التالثة

الاهية وحدة منهم قوية قالت لالها "عيب يابنت انتى مش صغيرة " احمر وجهها وقلت يمكن تبطل هالعادة طيب قدمت المكسرات والبنت مسكت الصينية ودورت علي اكبر صحن وحطته جنبها

وضلت تاكا تاكل والله صار وجهى بالارض ونزلت فيه وما قصرت والله اخر اشي قدمت الشاى برضوا نطت واخدت اكثر كاسة مليانة والله والنسوان ما قصروا مسكوها وضرب حتى استوت يختى قويات ما قدرت اقيمهم عنها الا اتصلت بابوها واجى واخدها بس بتهيالي برضوا ضربها

يعنى الخلاصة طول اليوم وهية بتاكل كتل ههههههههههههه

كنت بديش احكي بس انتى السبب :lol!: :lol!: :lol!:

:shock: :shock: :shock:

مالك يا زعيم داخل عليا حامي

طيب ماشي

اذا انا عندي 24 اصبع

يا جماعة الزعيم عندي بس ايد واحدة اصله ايدو انقطعت لما لقطوا وهوا بسرق سيارة^^

يلا عيش

يعني 24 اصبع ولا 15 اصبع^^

هههههههههههههههههههههههه

لك تضربي يا دموع الامل على هالفضيحة

طيب ماشي

راح افضحك انا التانية

تعالوا اقلكم على سر

كنت ما شية بالطريق انا ودموع فجأة كان في تجمع للناس

قلنا بدنا نروح

رحنا وعرفنا بدنا نمشي الا فجأة دور على دموع دور عليها

لقيتها تحت الرجلين

والناس حولها متجمعين اسم الله عليكي يابنت

البنت وجهها احمر واقعة بين 50 نفر

قلتلها قومى اللى يخزى اليهود

قوموها الناس ووجهها متل حبة الطماطم

قامت و كملنا الطريق

وطول ما انا ماشية وانا بضحك عليها^^

طيب بسطة لحن انا مش هرد عليكى الحين

مش تفكرى هانساها

بوريكى بكرة بدورلك علي عملة مرتبة

عاملة حالك شاطرة وبتحكى

اصلا هادا اللي صار حلفتيلي مليون مرة انك مارح تحكى

يافضااااااااااااااااااااااحة انا بوريكى

مااااااااشي استنينى انا كنت ما بدى احكى بس انتى اللي خربتى الدنبا

لحن استنينى لحن والله لوريكى ههههههههههههههه

اشوفك علي حير لحووووووووون

:geek: :elephant: :lol!: ههههههههههه

سورى لحن اليوم سمعت خبر بس والله مش لالك لعضو تانى في المنتدى

خليكى انتى بعدين

سمعت انوا في كليتنا محاسن محيسن بعتت مسج لغريب وقلتلوا بدى اياك تكون مساعد لالي

وغريب يعنى ماشاء الله عليه مابيرضي الا يكون مدير ومحاسن بتترجاه الها اسبوعين علي انوا

يقبل وهو ابدا المدير وبس واجتلي امبارح بتعيط بدها ايانى اتوسط لالها انوا يوافق

المرة بدها تنجن ياحراااام وان شاء الله غريب بيرضي بس هو ييجى علي فكرة هاى محاسن محيسن مديرة التربية والتعليم يعنى مش بسيط غريب

ادعوا انوا يرضي يعنى بدوووووون زعل غريب والله ماعرفت الا احكى هههههههه

تحيااااااااتى

زائر

هدو الطخ يا جماعه مش هيك برضه

بتضلكوا حبايب واخوات وما الكم غير بعض

والله في اشاعه بس بديش اطلعها

خليها مخبيه بكره بتصير حقيقه

طبعا الاشاعه مش على حد الاشاعه عليا انا

بس قولوا مبروك

وانشالله خير

يلا

محدش يحكي على حد مش لما ادير ضهري بصيرو تخبطو في بعض

عيب ما بصير

هههه

يلا سلام

نداء