اكيد كل واحد راح يشوف اسم الموضوع راح يدخل يشوف شو مكتوب فيه
بس انتو هدوا حالكو وما تستعجلوش علي رزقتكم
القصة وما فيها
انه
بتلاقي الواحد بيروح عند بياع الفلافل بدو يشنري ب2 شيكل فلافل يعشي العيلة بتلاقى ساعتها واحد جاي مستخف دمه وبدو ينكش راس علي بياع الفلافل بينجن بياع الفلافل وبتلاقيه بيقول الله ينعن ابوه من شعب زبالة
بتركب في السيارة بيتلاوح السواق بسواق تاني مش عاجبوا او قعد يزمرلوا بيفقد السواق وبيقول ينعن ابوه من شعب
بتروح عند الحلاق وبتقوله خنجرلي الدقن وبتفتح معاه قصه
بينطلوا واحد من الزباين اللي عنده وبيعمل طوشة او واحد بيقعد يتاهبل بيفقد الحلاق وبيقول ينعن ابوه من شعب
بتروح علي محل الاواعى علشان تزبط امورك وتشنخص بتلاقى واحد جنن البياع بعد ما قاس نص الاواعى في المحل وبيطلع بدون ما يشتري اي اشي بس داخل غلبه عالفاضي
بيقول ساعتها البياع الله ينعن ابو هيك شعب
وانا وانت لما تفقد معانا ويطلعنا حد ينكد علينا لا بنخلى ولا بنبقى بنبدا نقص في هالشعب
ينعن ابوه من شعب
شعب رمة
شعب زبالة
شعب بدو حرق
شعب بدو تدير علي بنزين وتولعه
شعب حقير
شعب حرام يعيش
شعب لازم يديروا عليه زفته بتغلي
وبنسحب كل الغلط من السلك للسلك ما بنخلى كلمة عاطلة اعرفناها الا بنحكيها عن هالشعب
طيب سؤال وجيه (مش وجيه ياغي) بيطرح حاله علينا
احنا هلقيت من الشعب والا من كوالالمبور ؟؟؟؟
اكيد من هالشعب وبنغلط علي الشعب
فيا جماعة الخير شو رايكو في هالخراف
وهل انت من النوع اللي بينعن ابو الشعب علي ابو اليوم اللي شاف في هيك شعب ؟؟؟
والله شعبنا غلبان بكفى تلعنو فيه بكفى اللى بيصير فينا حتى احنا مش راحمين حالنا
تحياتى غريبة
